توني دريت اني اموت بغيابك

دخيلك لا تخليني ولا تاخذ على الغيبه

ترى والله ما أقدر ولا أقوى على غيابك

صبرت وملّ صبري عقب ما طالت الغيبه

نسيت إنّ الشتاء بارد وانا متعوّد ادفا بك

انطق باسمك تصدّق وانا نايم انطق يبه

ترى توّي دريت إنّي اذوق الموت واحيا بك

غدا حالي مثل طفل فقد اغلى الاعيبه

تصوّرتك كما طفل وانا الغالي من العابك

غدا حالي مثل شاعر خذوا اروع مكاتيبه

تخيّل لو خذا غيرك قصايد محتوى كتابك

ألا لو تكشف الخافي على العالم تماريبه

أنا متأكد إن اللي بقلبي يرضي اعجابك

أقول الصدق يا عمري .. ومقيول الكذب خيبه

أقول الحق ما كابر .. أحبك واعشق ترابك

دخيلك لا تخليني ولا تاخذ على الغيبه

ترى تـوّى دريت إني اذوق الموت بغيابك