لعنبـو قصـة غــرام كــل ابـوهـا كلمتـيـن
ابتدينـا عنـد احـبـك وانتهيـنـا عـنـد بــاي
تـونـا مابـعـد مشيـنـا فالـهـوى لوخطـوتـيـن
وانتها الموضوع كله حتـى ماعـرف ويـش خطـاي
انتهـى الموضـوع هيـك بكـل سهولـه تحكمـيـن
ويـن احبك ؟ ويـن اريدك _ ويـن ساكـن فـي حشـاي ؟؟
يمكـن انـك ماوفيـتـي يــوم جيـتـي تعشقـيـن
ويمكـن انـك تحسبينـي بتبـعـك مــن دون راي
ويمكـن اصـلا ماعشقتـي بـس كنـتـي تلعبـيـن
ويمكـن انـك ماوصلتـي فـي هـواك لمسـتـواي
ويمكـن انـي ماعرفتـك فالحقيقـه ويــش تبـيـن
ويمكـن انـي خنـت نفسي..يـوم اعطيتـك وفـاي
علمينـي فالـهـوى ياجاهـلـه ويــش تعرفـيـن
تعرفيـن انـك غديتـي شي يجـري فـي دمــاي
علمينـي فالعطـاء والتضحـيـه ويــش تفهمـيـن
لعنبووو حيـك عشانـك سبـت اقـرب اقربـاي
كنـت احطـك فـي عيونـي تسرحيـن وتمرحـيـن
كنت اشيل هموم قلبك وارمـي همومـي وراي
كنت اطيـر مـن السعـاده يـوم اشوفـك تضحكيـن
كنت ذايب في هواكِ مثل سكـر وسـط ماي
كنـت نايـم فالعسـل وارسـم مـن الفرحـه سنيـن
كنت اظنك قلب عاشـق ماسكـن وسطـه سـواي
ماوعـيـت الاوانـتـِ فــي خفـوقـي تطعنـيـن
ماوعيـت الاوسيفـك بالحشا....رايـح وجـاي
ورده اي والله ورده بــس عرفـتـي تجـرحـيـن
كـل شـي فينـي جريـح الافخامـة كبرياي
ما تأثرت بغيابك وش يعني دمعتين؟؟
بكره انسى صدقيني وارجع بكامل قواي
ادري حنا افترقنا بس ابفهم حاجتين
علميني وش كسبتي ؟؟؟
وعلميني وش خطاي
اصلا الموضوع كله ما تعدى كلمتين
التقينا عند (احبك) ..
وافترقنا عند (بـــــــــاي)
الثلاثاء مايو 27, 2008 1:45 pm
